ЦÆСГОМ ССУДЗЫН

тж. ЦÆСГОМ СУДЗЫ

1. Тынг æфсæрмы кæнын, худинагæй тæрсын.

Къомианæн йæ муртæ иууылдæр дзæгъæлы куы баззадаиккой, цæмæн ма йæ хъæуынц. Фырæфсæрм æмæ худинагæй йæ цæсгом арты ссыгъд. (Гаглойты В. Гæлæбу.)

Гæбу адæмæй йæхи иуварс ласта. Цъиутæ дæр цыма уый фыдгой... кæнынц, афтæ йæм каст æмæ æфсæрмæй йæ цæсгом ссыгъд. (Хъайтыхъты А. Джызæлы фыййауы катай.)

Тотырадзæн йæ цæсгом ссыгъди æфсæрмæй. (Гаглойты Р. Хъаст.)

2. Тынг мæсты кæнын.

Маст райсыны фæнд æй æгæр дард кодта, йæ цæсгом ссыгъди (Троекуровæн). (Пушкин, Дубровский.)